Yaadein

kuch yaadein apne aap me itni pyari hoti hain k unki yaad se bhi pyar ho jata hai. kuch ankahi baatein, kuch adhure sapne, kuch aisi cheezein jo apni gairmauzoodgi me bhi apna ehsaas chhod jati hain. zindagi bahut jaldi guzar jati hai peeche jane ki koi umeed bhi nahi hoti aise me kuch khatti meethi yaadein hi to hoti hain jo hame poori zindagi ki tasvee kuch hi minton mein dikha jati hain. agar zindagi khoobsurat banani hai to un yadon ko khubsurat banaya jaye, sawal ye uthta hai ke yaadein kaise khoobsuat ban sakti hain. bahut aasan hai har kaam aur ha baat jo ham karte hain wo kal yaadon ki shakal leti hai. use yaadgar banana na banana hamare haath me hai aur yaadein tabhi achchi ho sakti hain jab unki wajah achchi ho. jab bhi man udas hota hai to wo baatein yaad aati hain jinka sambandh hamare bureanubhavon se hota hai. sabhi ke paas aisi bahut si yaadein hoti hain jab wo khush hote hain, achcha mehsoos kate hain, inyaadon ka ek sangrah banana chahiye aur un dino ke liye ekatra karke rakhna chahiye jab hame uski zaroorat hoti hai. kabhi kabhi jinhe ham bahut chahte hain unki kuch batein hame chubh jati hain buri lagti hain tab apne khazane se unki wo batein nikalni chahiye jinse hame khushi mili thi us se man ka saara mail dhul jaata hai aur atma me nirmalta aa jati hai.