Vichaardhara

ek vichaar.........
hamare hone ki wajah
wo ek vichaar...
jise pehchnna aasan nahi
jo bina aahat k jivan me pravesh karta hai
jiska astitva hamse bada hai
taaumra hamare saath rehta hai
aur hamare baad bhi...
jo hamari pehchaan ban jata hai,
jise badalna ya mitana namumkin ho jaye
wo ek vichaar...
jo hamari prerna hai
jo jivan mrityu se pare hai
swakshand hai khule antriksh me
wohi vichaar...
jivan ki sachchai hai
jise manushya dhoondh raha hai
usi k antarman ki rudan
wo ek vichaar...

ateet...

aaj phir yadon k jharokhon se ubhri ek parchai hai

aaj phir khayalon k jhurmuth me wo shakl nazar ayi hai

aaj phir khamosh rahein karti hain koi ishaara

har jagah,har palchin,har shay me wahi nazara
aaj jane kyu mujhe ho raha ye aabhaas hai
ho na ho wo kahin mere aas paas hi hai