likhne wale ne likh daale milan ke saath bichhude

Milan ki khushi jitni jyada hoti hai bichadne ka gham usse kahin adhik hota hai is baat ka ehsaas mujhe pehle nahi tha, is duniya me aise bhi log hote hain jinse aap ka koi rishta nahi hote hue bhi wo apki zindagi ka ek atoot hissa hote hain. jinka jikra na hote hue bhi hame unki yaad aati hai. jab tak ham saath hote hain hamein ek doosre ke hone se hone wali khushi ka ehsaas nahi hota par jab ham door ho jate hain to wo faasla hame saath na hone ke dard ka ehsaas jaroor kara jata hai. na jane ham kitne logon se roz milte hain aur phir bichad jate hain kabhi na milne ke liye, lekin har bichude par ham udaas nahi hote, wo sare log hame yaad nahin aate.

bichadna.... kabhi na milne ke liye? ye soch kar kuch ajeeb lagta hai. wo hai ya nahi?,khush hai ya nahi?,kabhi mil payega ya nahi? aur na jaane kitne ansuljhe sawaal,na jane khud se kitni shikayatein.jab ye pata ho ke jaane wala kabhi laut kar nahi aane wala, wo hamesha ke liye ja raha hai. ab use kabhi sun pana,dekh pana sambhav nahi hoga hame achanak uski jaroorat mehsoos hone lagti hai.ham use jaane nahi dena chahte rok lena chahte hain.

lekin tab kya karein jab koi bin bataye hi chala jaye aur kabhi laut kar na aye, apke bare me soche bina ya shayad use iska mauka hi na mila ho ke wo ruk sake shayad jaana uski marzi na ho shayad wo waqt aur haalat se majboor ho, shayad wo bhi aapki taqleef me barabar sharik ho raha ho, ya phir shayad wo khush ho use apke dard ka ehsaas hi na ho........

kya use pukaarna uchit hai jo kabhi nahi lautega,kya usse koi umeed karna khud to chalne jaisa nahi jo mud kar nahi dekhne wala?? kyun phir bhi ham aisa karte hain , uske liye kyun pal pal tadpte hain jo hame kabhi na khatam hone wala intezaar aur umra bhar ki judaai de gaya shayad jaan boojh kar shayad anjaane me,par milne ki manzil judaai hai kyunki kisi ka saath hamesha ka nahi hota wo bahut kam aur khushnaseeb log hote hain jo hamesha saath hote hain. par saath rehne ke baad jo akela chod jaate hain wo na bewafa hote hain na kassorwar phir bhi ek saza de jaate hain, judai ki saza,intezaar bhi na kar pane ki saza,bichadne ki saza.

Is sachchai se waakif hote hue bhi ham roz naye logon se milte hain ke wo ek din humse bichad jayenge kyunki shayad yehi parinati hai. maut ke dar se ham saana lena nahi chhodte to bichadne ke dar se milna kaise chhod sakte hain.

WO JO AAYA NAHI.....

wo shaam aaj bhi yaad hai mujhe jab baarish ki boondon ne pyaasi zameen ko ji bhar kar bhigoya tha. jab mere ansuon aur barsaat ki boondon ka sangam kuch aisa tha k dono ko alag kar pana mushkil tha. mere mann me jo toofan tha wo shaayad bahar k mausam se bhi jyada akramak tha. mujhe aisa pratit ho raha tha jaise main bahut akeli ho gai hoon na jane kya kho diya tha maine, jab k ,sab kuch waisa hi tha jaisa pehle hua karta tha. itna asurakshit,itna asahaay shayad hi maine kabhi mehsoos kiya tha. rone k liye aansoo kam pad gaye the aur shayad jo lag raha tha wo apni charam seema par tha. us baat ko aaj tak samajh nahi payi k wo kya aur kyun tha par itna ehsaas jaroor ho gaya ke ab shaayad wo kabhi nahi hoga,main shayad badal gai thi ya shayad ab badal gai hoon.

pata nahi tha k ek din ye baat shabdon ka roop legi aur kahin likhi jayegi parantu tab bhi , aur ab bhi kisi anjani aahat se wo sihran ka ehsaas mujhe kisi ki yaad dilata hai..........

about rock on.....................

I had heard much about....
which has almost pushed me to the nearby PVR
to watch the difference ...
I found it was good, really nice.
closer to our lives,
I found it as a mirror reflection of a number of people.
but, there is difference,
it is not as easy as shown in movie to get a chance again
but it was a good approach to make us realize ourselves

Kshitij ka sach

एक दिन क्षितिज की ओर देखते हुए मेरे मन में ये ख्याल आया

की क्या इस पूरी कायनात में वास्तव में ऐसा कोई बिंदु है ,

ऐसी कोई शय है जो अपने आप में मुकम्मल हो,संपूर्ण हो,

जो हसरतों से परे और अधूरेपन की टीस से अनभिज्ञ हो,

क्या कोई मनुष्य इस मुकम्मल ज़िन्दगी को जी पाया है,

क्या कोई ऐसा है जिसे उसकी हर तमन्ना हासिल है ,

मस्तिष्क के इस तूफ़ान में मुझे एक ही जवाब मिल पाया,

के इस सवाल का कोई जवाब नहीं....................................

जैसे क्षितिज एक मिथ्या है, एक भ्रम है

ठीक उसी प्रकार सम्पूर्णता भी एक भ्रम है,

जो सही मायनों में हासिल नहीं हो सकती,

परन्तु इसका आभास होना संभव है