wo shaam aaj bhi yaad hai mujhe jab baarish ki boondon ne pyaasi zameen ko ji bhar kar bhigoya tha. jab mere ansuon aur barsaat ki boondon ka sangam kuch aisa tha k dono ko alag kar pana mushkil tha. mere mann me jo toofan tha wo shaayad bahar k mausam se bhi jyada akramak tha. mujhe aisa pratit ho raha tha jaise main bahut akeli ho gai hoon na jane kya kho diya tha maine, jab k ,sab kuch waisa hi tha jaisa pehle hua karta tha. itna asurakshit,itna asahaay shayad hi maine kabhi mehsoos kiya tha. rone k liye aansoo kam pad gaye the aur shayad jo lag raha tha wo apni charam seema par tha. us baat ko aaj tak samajh nahi payi k wo kya aur kyun tha par itna ehsaas jaroor ho gaya ke ab shaayad wo kabhi nahi hoga,main shayad badal gai thi ya shayad ab badal gai hoon.
pata nahi tha k ek din ye baat shabdon ka roop legi aur kahin likhi jayegi parantu tab bhi , aur ab bhi kisi anjani aahat se wo sihran ka ehsaas mujhe kisi ki yaad dilata hai..........
1 comment:
Agar koi baat mann ko andar hi andar khokhla kar rahi ho to kahin likh kar uski chubhan kam kar dena kahin achha vichaar hai..aur rahi baat shabdon ka roop lene ki to lekhni me bahut shakti hoti hai jo kisi bhi ghatna,kisi bhi pal,ya kisi bhi manjar ko kaid karne me saksham hoti hai.Aur mujhe khushi hai ki ye shakti khuda ne aapko ata ki hai....
Post a Comment